丸目背脂煮干

营业中

休息中

🐻👨🏽心血来潮想食满满油份既食野，醒起旺角有间背脂拉面，二话不说就飞奔去呢间丸目背脂煮干拉面饱吃一餐。🐻👨🏽餐牌都唔使望就叫左特制背脂煮干沾面 ，仲要两倍背脂，🐻👩🏻我就拣左海老辛酱背脂煮干汤拉面，辣一辣佢。🐻双倍背脂既沾面一上枱，见到汤底满布背脂，但系入口完全唔油腻，背脂仲好有口感，温度热辣辣，配上冷拉面食，绝对系一种享受。配料有两种叉烧，慢煮猪肩嫩滑肉香，炙烧豚腩肥瘦均衡，肉味浓之仲好重火炙香，流心蛋都系有水准既出品。🐻海老辛酱背脂煮干汤底入口一股浓厚海老味，混上辛酱增添层次，就算叫左小辣都有啲辣度，喜好辣味既朋友可以挑战大辣。最喜爱既系店家用粗面作为拉面，口感弹牙有嚼口，好啱🐻👨🏽心意，同场仲加左杯700ML既Premium三得利生啤，价钱都系58蚊，🐻👨🏽饮完开心咁抱住个肥肚咁走。