彩雲南 (已結業)

帮衬过呢到唔止一次，呢到菌类做得几好，个人黎讲比较钟意呢到既凉菜，凉伴白肉系个人心水，可惜今次食唔到。阿姐先黎糯米茶，有米香味，很清新。今次凉菜点了皮蛋豆腐同埋手撕鸡。皮蛋豆腐卖相好似唔同左，汁依然做得唔错，味浓开胃。手撕鸡带小小辣，较为普通一点。虽然系凉菜，但系一d都唔取巧，同主菜份量差不了。阿姐推介气锅鸡，其实未试过饮气锅鸡，要左个大路d既松茸气锅鸡。汤饮落充满松茸味，够哂香。饮到尾个盅仲出烟，坚。呢到菌出名，主菜当然要左个公爆牛肝菌，牛肝菌薄切黎炒，食落牛肝菌比之前汤既松茸更香。原先要粉蒸肉，可惜卖哂，阿姐推介回锅肉，用薯仔替代荀都系第一次试，炒得很入味，猪肉带有少少辣味。之前试过蒸乳饼，今次试煎乳饼，蒸乳饼配云南火腿食，火腿咸味配乳饼既膻，原来好夹。反之今次煎乳饼，煎就一定系香口野，膻味变淡，下次都系食返蒸吧。再要个煎藕饼，食落感觉似食煎鱼饼，油而不腻，水准可以既煎莲藕饼‧金沙洋芋丝是必叫的，薯仔刨得很幼，每条既蛋黄都好平均，炸得亦脆，伴酒佳品。今日食得饱饱，唔洗米线结尾，呢到米线都做得唔错。很满意的一餐，值得一试。