胡爐 (已結業)

🇭🇰Hong KongAverage expense pp: HKD$400-500+📍Address: 胡炉, Tsim Sha Tsui已经系第二次嚟到呢间餐厅，同屋企人庆祝生日。不过我哋今次试咗新汤底，今次呢个新汤底有惊喜。胡椒猪肚花胶鸡锅，花胶好大块超级足料，另外有原只成碟鸡上，鸡肉碌一下就食得，依然嫩滑。花胶鸡汤超级好饮，鲜甜浓郁，超级推介呢个汤底😋同上次一样，一定要嗌佢哋嘅胡炉牛拼盘，非常丰富，一次过可以食到牛嘅不同部位包括极上手切牛颈背、牛胸爽丶牛舌芯、霜降牛粒以及安格斯手切肥牛，牛肉好优质，霜降牛粒肉味特别浓郁，手切肥牛入口充满油脂甘香，牛舌芯嫩滑多汁。另外，饺子拼盘同埋丸类拼盘，同上次一样咁出色，饺子拼盘系人手手工制作，新鲜制造，用料十足丰富，分别有鲜虾云吞、XO带子饺、西芹饺子、鱼皮饺，外皮薄内涵超级多，食完之后真系会想叫多一碟。丸类都系手工打出嚟，有黑松露墨鱼丸、手打虾丸、芝心丸超级流心，令人相当满足！黄金炸鱼皮非常好食，金黄香脆，入面仲有蛋黄蓉，非常香口！经理招呼态度好好👍🏻