影片
更多
2021-08-05
50 浏览
平时真系好少过嚟呢头，搭地铁过嚟其实比想像中方便，呢间餐厅就喺鸭脷洲邨街市楼上，地方几大，系坐得舒适嘅大排档格局，主打海鲜但都有潮州菜、泰国菜同埋粤式小炒，晚饭时间都几热闹!! 招牌白胡椒蟹 $498只蟹比我想像中大只，大约一斤半重，用铁板上然后淋上胡椒酱汁，胡椒汁辣辣地好惹味，蟹钳好大只啖啖肉，已经预先整碎咗所以都容易食，蟹盖由朋友一人独享，食得好滋味!! 金沙黄金虾 $98系浓郁嘅咸蛋黄味，自己唔系太惯连埋虾壳一齐食，所以我净系食啲虾肉，只虾其实好大只虾肉都鲜甜!! 卤水鹅片 $168份量非常多，下面𠮶一层其实仲有鹅片加豆腐同花生，鹅肉卤得入味仲keep到嫩滑，肥瘦亦适中!! 建议推出份量少啲嘅例牌鹅片，细碟啲可以再试多几味𩠌!! 椰青又系好大个清甜得来仲片到好多椰肉出嚟食，龙眼冰都唔错!! 总括来讲呢度嘅𩠌菜份量大有镬气，见唔少人要攞外卖盒拎走d食唔晒嘅𩠌!! 另外见佢都可以帮手加工外来海鲜，价钱都合理，喺楼下街市买海鲜上嚟煮都系一个option!!
招牌白胡椒蟹 $498
只蟹比我想像中大只，大约一斤半重，用铁板上然后淋上胡椒酱汁，胡椒汁辣辣地好惹味，蟹钳好大只啖啖肉，已经预先整碎咗所以都容易食，蟹盖由朋友一人独享，食得好滋味!!
金沙黄金虾 $98
系浓郁嘅咸蛋黄味，自己唔系太惯连埋虾壳一齐食，所以我净系食啲虾肉，只虾其实好大只虾肉都鲜甜!!
卤水鹅片 $168
份量非常多，下面𠮶一层其实仲有鹅片加豆腐同花生，鹅肉卤得入味仲keep到嫩滑，肥瘦亦适中!! 建议推出份量少啲嘅例牌鹅片，细碟啲可以再试多几味𩠌!!
椰青又系好大个清甜得来仲片到好多椰肉出嚟食，龙眼冰都唔错!!
总括来讲呢度嘅𩠌菜份量大有镬气，见唔少人要攞外卖盒拎走d食唔晒嘅𩠌!!
另外见佢都可以帮手加工外来海鲜，价钱都合理，喺楼下街市买海鲜上嚟煮都系一个option!!
张贴
