麗島小廚 (已結業)

估唔到个胡椒猪肚鸡煲整得咁好食，最重要系入面啲猪肚好多，而且啲猪肚都洗得好干净，有惊喜。啲鸡肉好新鲜，侍应姐姐叫我哋个汤滚起先至放鸡落去。放咗鸡落去之后冚返盖，等到个汤再滚起之后大概滚住咁多5至6分钟就食得。本身鸡汤就已经好鲜甜，加埋胡椒，就有一种驱寒嘅感觉。食够鸡饮够汤之后就可以开始打边炉，我哋叫咗炸鱼皮、莴笋、云吞拼韭菜饺同埋虾滑。啲炸鱼皮超级大块，睇幅相feel唔到有几大，不过真系好大。云吞同埋韭菜饺都好新鲜，早知分别叫一份。一向都觉得莴笋打边炉好正。虾滑好新鲜，一份有两条好抵食。