胡爐 (已結業)

人老咗，就唔想谂咁多野。惊心动魄遥看你，走失也忘了害怕，听完都会感慨人老咗好多嘢都会退化。 特别好多时，简单就算，以前食饭都会俾心机谂吓，而家越嚟越懒。 就好似今晚同一班朋友打边炉，本来想选择啲近期火热嘅火锅店香江花月，但系最后都系拣一间饮食质素非常高嘅胡炉。 呢度嘅特色系你可以自选一火锅底，有醉鸡煲，青麻辣猪手煲，同胡炉醉鸭煲俾你拣。 当晚我哋分开枱坐试咗两个煲，惹味鸡同醉鸭各有特色，我自己个人特别钟意醉鸭，可能因为少见。 惹味鸡真系非常之惹味，好得，直头想攞嚟送饭。 用社交平台订枱仲会送蚝皇鲍鱼佛跳墙一客，送嘅质素来讲，不错。 之后会有至尊拼盘送，时令海鲜拼盘，有牛拼盘同手工丸饺平台。 海鲜拼盘有鲍鱼，圣子，蚬，帆立贝同虾，讲真呢个海鲜拼盘已经够抵食。 仲有澳洲和牛，牛舌心同黑毛猪豚肉，质素都几高。 手工丸同饺都几特别，有泰皇鲜虾云吞，手打虾丸，XO酱带子饺，鱼皮饺，芝心丸，同黑松露墨鱼丸，每只都唔错 ，咸鱼青菜各有所好。 讲真食到呢度都饱，原来仲有好多种唔同任点火锅料俾你，到呢个嘅时候当然要食啲菜。