Amber Coffee Brewery (已結業)

以前办公室喺上环，成日想揾一间除咗连锁店以外有水准嘅咖啡铺。有一日路过见到依间依度，见到里面摆咗几个奖杯，一睇之下原来系佢地出去比赛嘅得奖奖状。于是入去要咗一杯flat white。一饮之下就成咗呢度嘅忠实粉丝。依度用嘅咖啡豆有好多款，每一款都有佢唔同嘅烤焗方法同埋时间，咖啡师都好细心用适当嘅方法去调配不同嘅咖啡豆。可以喺每一杯咖啡里面饮得出咖啡师落咗嘅时间同埋心机。我自己最喜欢嘅除咗flat white之外，依度嘅ice cappuccino 也做得非常出色。有时候不介意脂肪含量高一点的时候，呢度嘅ice cappuccino 除咗咖啡香浓以外，还会用小小嘅雪糕去打成一杯冻饮，邪恶但真的回味无穷。最后小编特别推介的是依度嘅ice black，好彩嘅话仲会用上一啲比平时靓嘅咖啡豆冲成嘅ice black，包你一试难忘。