添記法式三文治

营业中

休息中

以前细细个住喺附近，都会嚟呢间添记法式三文治买法式三文治做宵夜，咁啱今日系圆方行街，见咁近就行过嚟佐敦呢边买份法式三文治返屋企做宵夜。间舖头无论外观同里面都几十年不变😅入到舖头我就同佢讲要一条大法包，可惜佢话卖晒，得返小法包，特登行过嚟梗系照要啦。其实大法包同小法包嘅分别只不过系大同细。等咗几分钟就有，热辣辣！我冇即时食，我返到屋企先至食（返屋企车程大约半个钟）我原本返到屋企直情唔记得咗果法包，可唔可以突然之间有少少肚饿先醒起，我冇将个发包加热做过任何嘢，就系胶袋里面攞嚟食，第一啖咬落去，脆到不得了！我冇谂过隔咗咁耐仲系咁脆个面包，好惊喜！不过个味道好似同以前有啲唔同，而家好似比较光干（我意思系里面啲馅料）好似少咗啲水份嘅感觉，我唔系好肯定系咩嘢导致呢一个原因，但系整体上佢都系一个好食嘅包，同埋仍然好脆！