品臻 (富怡花園)

营业中

休息中

好难得小西湾终于有一间正式嘅台式饮料店🥤店舖感觉好干净，餐牌上面嘅饮品款式众多，图片望落去已经好吸引呢度除咗有台式饮品之外，仲有唔少小食，而今日我决定要试嘅就系原味格仔饼同黑糖珍珠奶茶。Poster设计好时尚，忍唔住想试店舖声称不使用化学人工果糖，虽然饮落去都未必分辨到，但起码有个安心先🙈店舖有两部机整鸡蛋仔另外两部整格仔饼，全部都系即叫即整，大概等左5分钟已经有得食，唔算等左好耐，系等待期间都不时闻到阵阵蛋香。原味格仔饼 $16格仔饼望落好挺身，颜色都好靓，拎系手仍然闻到好香蛋味厚度算唔错，入面只有炼奶同花生酱，酱汁份量都多，第一啖已经咬到。格仔饼外脆内软，就算隔一阵先食都保持到脆卜卜，唔错不过拎住个纸袋嘅时候要小心hi到，搞到黐立立。黑糖珍珠奶茶少糖 $21呢个系拎住饮品行左阵先拎出黎嘅样，所以黑糖已经沉咗底。以呢个价钱来讲算大杯，奶茶少糖的确唔甜，不过好可惜黑糖珍珠只系普通珍珠捞黑糖，而唔系真正用黑糖整出嚟嘅珍珠，所以当黑糖融入咗奶茶之后，珍珠就完全冇晒味啦同埋珍珠口感比较硬，唔Q弹，有啲失望。我谂下次嚟都只会食佢嘅小食，饮品就未必会再考虑了。