大頭蝦南風海鮮酒家

营业中

休息中

搬咗嚟东涌之后都想周围揾吓有啲咩够风味的餐厅。今次就去咗屋企附近既大头虾南风海鲜酒家。叫左个例牌烧鹅，简直系喜出望外。估唔到个烧鹅皮甘脆，烧得好有光泽，肉汁好多。丫囡争住食肥厚又嫩滑的烧鹅髀😂 。加个米粉简直一流。仲叫左个香煎墨鱼饼。呢个大人同小朋友都好啱食。墨鱼饼热辣辣整好，弹牙爽口，食到停唔到口呀!两个人食咗呢度都已经够饱，不过惯咗每一餐都会食个菜，叫返个蒜蓉炒菜心。菜心好甜又大条，好新鲜。总括嚟讲烧味质素几好，小菜即叫即整，够晒新鲜热辣辣。下次想等埋爸爸嚟一齐叫啲海鲜食。