堅信號上海生煎皇 (眾安街) (已搬遷) 新店位置

今晚懒出街决定叫外卖上次食过佢个酸菜鱼，虽然话就话系一人份量，但系鱼同埋配菜都算多，而且啲鱼冇咩骨，好食😋今次就叫咗鸡扒菜饭、猪扒菜饭同埋担担面配两只孜然鸡翼。 𠮶两个菜饭系套餐，所以有一个生煎包，同埋配菜腌萝卜。猪扒系比较厚切，食得出有啲蜜汁味，份量都唔算少。而鸡扒方面写就写系辣嘅但系唔系好食得出，份量都唔算少。个菜饭几大份，但系佢Pat得比较实，而且比较干。跟餐仲有杯豆浆😆而担担面方面味道正常，分量亦都比较多。孜然鸡翼味粉落得比较多，所以味精味较重，鸡翼肉质比较鞋。另外在叫咗个麻辣青瓜同埋鲍汁菜心。两款嘢食份量比较少，菜心比较淋，冇乜特别食到有鲍汁味。青瓜酸味较重，冇咩辣味，但整体来讲比较重味。