媽咪雞蛋仔

营业中

休息中

唔知系咪困得系屋企太耐，好想食返啲儿时回忆嘅嘢。今日要出尖沙咀拎嘢，买底鸡蛋仔叹下先！由细到大都好钟意食鸡蛋仔，而家嘅鸡蛋仔比以前款式更加多！呢间妈咪鸡蛋仔仲获选米芝莲香港街头小食店，而且仲定期推出期间限定小食，等我哋成日都可以试试新口味！今次就同公主试咗用英国皇室御用品牌『川宁伯爵茶』嘅伯爵茶朱古力鸡蛋仔同埋原味鸡蛋仔。因为即叫即制嘅关系，等嘅时间会比较耐。 公主见到哥哥拎起底鸡蛋仔去吹冻嘅时候就已经即刻想拎黎食。呢款鸡蛋仔嘅伯爵茶味唔算太浓，所以小朋友都接受得到，而且里面仲有粒粒朱古力，佢又点忍得口呢！见佢食得咁开心，妈咪我都忍唔住攞嚟食。原味鸡蛋仔同我细个食嘅一样，外面脆卜卜，里面软绵绵。除咗嘢食之外，天气咁热，我哋仲叫咗益力多沙冰同埋宇治抹茶牛乳。 见到佢成支益力多倒落去整沙冰，味道非常浓厚。 而我杯抹茶牛乳，茶嘅浓度同甜味配合得啱啱好。最后仲买多咗底粒粒朱古力返去俾爸爸食添期待下一次经过可以尝试其他新嘅口味！#妈咪鸡蛋仔 #鸡蛋仔 #香港街头小食 #米芝莲 #期间限定 #宇治抹茶牛乳 #益力多沙冰 #原味鸡蛋仔 #粒粒朱古力鸡蛋仔 #伯爵茶朱古力鸡蛋仔 #儿时回忆 #软熟 #