德國餐廳 (博文街) (已結業)

Das Bier系一间连锁平价德国餐厅，一早听朋友讲过几抵食猪手又好食，不过最初只有大埔店对我黎讲实在太远，近哩一年Das Bier喺大角咀都开左分店，终于有机会试喇～！！餐厅除左例牌有度体温同提供消毒搓手液之外，每舍食客仲有一个口罩套，非常贴心。Das Bier有散叫亦有套餐，其中佢地嘅二人就最抵食，$398有墨西哥脆片、德国香肠、咸猪手同两杯野饮，非常抵食。不过个人觉得二人餐两个人其实好难食得晒，基本上要三个人先食倒。所以最后我地都系散叫。Somersby Apple Cider($62)够晒冰冻，一啖猪手一啖啤酒坚系正！Grava Juice($40)石榴汁酸酸甜甜帮助消化，食德国菜咁多肉饮返杯就啱。德国咸猪手配酸菜及薯仔沙律($218)咸猪手好大份，如果本身唔算太肚饿或特别大食，绝对够两个人食。猪手皮脆卜卜，但又唔会好硬，好好食。猪手肉质肥瘦适中，少少咸唔会太韧，我钟意浓味就觉得蘸埋芥辣酱好食啲。猪手旁诱边仲有薯仔沙律同酸椰菜，酸椰菜酸酸地帮助消化食完冇咁济。总结，猪手坚好食冇令人失望，套餐抵食过散叫好多，不过由于份量太多，建议最少三个人黎食。