築地GINDACO (裝修中)

早排聽朋友講原來太古城仲有築地Gindaco，平日如果唔係朋友約都唔會主動過海，今日穿州過省就係要食到大粒脆皮章魚燒舖頭係food court裡面，落單後到收銀處排隊俾錢，到達時已經整緊，所以等既時間都唔算好耐。粉醬夠滑加上適量椰菜同紅薑，食落就冇咁油膩，脆皮效果一定要用時間同大量油份去慢煎，熱辣辣章魚燒塗上醬燒汁，吱上大量蛋黃醬，灑上紫菜及木魚碎，眼前久違既美食，同8年前旺角山東街店食到既就係同一味道，應該慶幸要過海先食到，如果唔係以6粒就等於四碗白飯既熱量，我好快就可以有倍數增長既體重!