裕鵝莊 (已結業)

原来深井烧鹅开到嚟尖沙咀，今日同朋友行街一于去试吓！招牌烧鹅例牌： 原本以为例牌烧鹅唔会好大份，点知原来份量一啲都唔小。呢个果然系招牌，必点！皮脆肉嫩，一咬落去啲油脂浸晒出嚟，但又唔会觉得太油腻，个皮有好香嘅炭烧味，脆卜卜，烧得恰到好处。至于鹅肉一啲苏味都冇，啲肉好厚身。香煎莲藕饼：呢个菜真系好好食，同一般莲藕饼做法有少少唔同，系用莲藕丝配以猪肉、鲜虾同虾米一齐煎成，一上枱已经闻到好香，因为材料丰富，所以食落特别有口感。呢度啲莲藕饼煎得一啲都唔干，啲肉汁能够所系莲藕饼入面，好Juicy！小炒王：有好多配料，有虾干海蜇鱿鱼等等，炒得好有镬气，送饭同配啤酒一流！陈皮红豆沙桃胶、椰香鲜奶桃胶：食完主菜我同朋友都好想食糖水，呢两款糖水好有惊喜。两个款都好足料，有劲多桃胶！朋友食嘅陈皮红豆沙嘅陈皮味超重，红豆亦有做到起沙。至于我食嘅椰汁鲜奶，一嚟到已经闻到超香嘅椰奶味，加上入面桃胶好多，食完都觉得好养颜😆呢两碗糖水真系为呢餐画上完美句号！呢餐真系好满足，两个人食到好饱，仲要打包！值得一题系呢度啲装修好新好靓，座位坐得好舒服，侍应服务又好。