吉豚屋吉列豬扒專門店

营业中

休息中

如心广场越开越多食肆，哩间行过几次都好多人排队，网上食评又好坏参半。见价钱几平，而且我12点前到达，所以无唛人又唔使排队就入内一试。环境洁净，坐位唔太迫。睇完餐牌落order就见坐无虚席。跟餐有野菜猪肉汤，汤底系面豉汤有白萝卜，红萝卜，洋葱同肉片，好多料，但个人唔太喜欢面豉汤。铁板滑蛋鳗鱼定食，铁板菜式通常都系好热，但哩个鳗鱼定食嚟到只系暖，鳗鱼味道普通但个鳗鱼汁甜甜哋用嚟送饭都几好，碗饭都几大碗，一般男士都够食。吉列炸虾猪扒定食有两只吉列虾同一大块吉列猪扒，份量十足。虾同猪扒都炸得好脆唔多油，虾爽口弹牙，猪扒软腍，外脆内软。枱面有中华沙律汁配一齐食就更正。小食叫咗唐扬炸鸡，一碟有5件，外层上咗薄粉炸，鸡皮炸得香脆，鸡肉软滑好juicy。今餐所有炸物都做得出色，鳗鱼就比较逊色。份量价钱都适中，唔使排队等都食得过。