Sweet Monster (已結業)

记得一开始，呢间餐厅排晒长龙，到依家已经冇乜人排队，不过唔代表质素差。Sweet monster 位于朗豪坊嘅 i.t 前面，好易揾到。芝士焦糖爆谷雪糕：一睇就见到芝士同焦糖爆谷塞满晒系个雪糕度，连中间都会有爆谷架，。雪糕同爆谷嘅比例系爆谷>雪糕，够哂抵食，又唔会好斋唔够爆谷，做到可以雪糕同爆谷一齐食。芝士焦糖爆谷雪糕可以一次过试晒两只爆谷嘅味道，净系芝士会太咸；净系焦糖会太甜，一咸一甜啱啱好，味道可以中和返。就算爆谷同雪糕一齐食，爆谷都唔会变软，食到尾都仲系好脆身，雪糕亦都食到尾声先开始溶，都几挨得，芝士焦糖爆谷雪糕整体来讲系不错。另外，仲可以买佢嘅爆谷返屋企食，今次买咗朱古力味，个盒卖相好吸引好靓。盒入面又有个袋装住，唔怕漏。朱古力爆谷：爆谷偏甜，但系有食上瘾嘅倾向，好啱攞黎一路食一路去睇戏，朱古力味布满晒系个爆谷度，令到每粒爆谷都有味，亦唔会食食下系发现食咗粒未爆嘅爆谷，硬度咬唔开，食到尾就真系好甜，一早攞定嘢饮出嚟就差唔多。最啱就系买个爆谷去上面睇戏，好食过系上面买啦。