影片
更多
2024-12-25
229 浏览
平时外出进餐喜欢尝新，而异国菜总会带嚟刺激味蕾嘅体验。适逢圣诞佳节，女朋友挑选咗呢间位于中环嘅餐馆，一齐体验下葡萄牙嘅风味。 一开始送嚟嘅酸种面包比较普通，质感过硬，但味道发挥正常嘅吞拿鱼酱有为啲面包加番分。前菜｜蒜蓉榄油八爪鱼🧄🫒🐙八爪鱼煮得好香好腍而仍然有嚼头，一入口就已经好有葡式煮法嘅感觉，加上热辣辣出晒烟咁上碟，食落暖笠笠。蒜头嘅味道一早渗晒入榄油里面，啲蒜配埋八爪鱼一齐放入口，味道浓郁，喜欢蒜味嘅我哋就好喜欢呢道菜。沙律｜葡萄牙杂荟沙律🥗本来系见隔离枱有一碟貌似沙律嘅菜式几吸引，但又唔敢开口问打扰人，所以就估估吓叫咗呢样。沙律有番茄 、杂菜、红葱、青瓜配香醋~Um......蔬菜系几fresh嘅，想有啲菜食都可以嘅，但醋嘅份量就落得少咗啲😂😂主菜｜香煎深海鲈鱼🍋🐟鲈鱼煎得好嫩滑，奶油汁有淡淡嘅柠檬香，食落就会平衡奶油原来嘅腻。鲈鱼嘅下面有烤香咗嘅薯仔片，外皮因为烤过所以硬身啲啲，但里面嘅部分软软，好带出到薯仔嘅香味。主菜｜招牌焗鸭饭🦆🍚哇~一上枱见到就好有葡式煲仔饭嘅感觉。面头系焗到脆卜卜嘅饭焦，上面再放上油光满满嘅五花腩同腊肠，香气四溢。饭入面有唔少嘅鸭肉丝，每啖饭都可以食
一开始送嚟嘅酸种面包比较普通，质感过硬，但味道发挥正常嘅吞拿鱼酱有为啲面包加番分。
前菜｜蒜蓉榄油八爪鱼🧄🫒🐙
八爪鱼煮得好香好腍而仍然有嚼头，一入口就已经好有葡式煮法嘅感觉，加上热辣辣出晒烟咁上碟，食落暖笠笠。蒜头嘅味道一早渗晒入榄油里面，啲蒜配埋八爪鱼一齐放入口，味道浓郁，喜欢蒜味嘅我哋就好喜欢呢道菜。
沙律｜葡萄牙杂荟沙律🥗
本来系见隔离枱有一碟貌似沙律嘅菜式几吸引，但又唔敢开口问打扰人，所以就估估吓叫咗呢样。沙律有番茄 、杂菜、红葱、青瓜配香醋~Um......蔬菜系几fresh嘅，想有啲菜食都可以嘅，但醋嘅份量就落得少咗啲😂😂
主菜｜香煎深海鲈鱼🍋🐟
鲈鱼煎得好嫩滑，奶油汁有淡淡嘅柠檬香，食落就会平衡奶油原来嘅腻。鲈鱼嘅下面有烤香咗嘅薯仔片，外皮因为烤过所以硬身啲啲，但里面嘅部分软软，好带出到薯仔嘅香味。
主菜｜招牌焗鸭饭🦆🍚
哇~一上枱见到就好有葡式煲仔饭嘅感觉。面头系焗到脆卜卜嘅饭焦，上面再放上油光满满嘅五花腩同腊肠，香气四溢。饭入面有唔少嘅鸭肉丝，每啖饭都可以食到有鸭肉同脆米，而每粒饭粒之间都散发住鸭油嘅香。呢款菜式确系值得一试嘅招牌菜。
张贴
