飯飯店 (已結業)

茶记食得多想食下其他野，本来想打边炉，但好似啱啱先打完，咁就黎左隔离嘅饭饭店，见佢啲炒野好似好正咁样。芥菜咸鱼生菜包 $98先点了呢个，一碟得四件实在有点小贵呀！猪肉饼煎得香脆，肥瘦肉比例适中，下面放左青瓜同生菜，食落爽口又可去油腻感，最正系个酱汁竟然用左washabi沙律酱，直接刺激味蕾，唯美中不足系咸鱼味欠奉，有点同菜名不乎。榄角蜜椒金沙骨 $98另一味点了金沙骨，要炸很难系屋企煮嘛，呢碟份量正常，望落金黄色好吸引。啖啖肉同少少软骨，甜甜地好正，肉香又有咬口，味道好，但又系要挑剔下个菜名，榄角蜜椒……系边呢？哈哈，叫蜜糖金沙骨咪好啰，不过好味系真嘅，基乎成碟比我抢哂黎食。正宗鲤鱼门炆脆骨 $288阿妈话呢个佢好钟意食，一定要叫，其实咩系脆骨呢！？原来系大鱼走油再加芡汁，功夫都几多㖞，屋企唔会煮到啰。是晚条大鱼系石班，好多块好大碟，上枱时香喷喷呀。靓鱼～鱼块又香又滑，鲜味满溢，啲汁劲好下饭，葱都食哂，正正正！白饭$10大大碗唔姑寒 间中食下小炒又几正㖞，好味好味。