影片
更多
2022-02-12
538 浏览
K11 Musea除咗多名店之外，仲有好多特色嘅餐厅食肆。今日行完街之后，就落咗B2揾食，除咗帮衬人气面包店之外，仲兜咗去另一边嘅k food town，顺便喺DOJE买埋佢哋出名嘅腐皮寿司。因为都已经比较晏，所以选择唔系十分齐全，好彩都仲有我想食嘅味道。我就最钟意佢哋嘅外卖包装，每件腐皮寿司都有独立嘅间隔，攞到返屋企都仍然屹立不倒。蒲烧鳗鱼系将鳗鱼切成粒状，再放喺腐皮寿司之上，带皮嘅鳗鱼粒粒爽口，鳗鱼汁浓郁，非常美味。入面嘅饭仲混入咗黑白芝麻，所以特别香口。炙烧三文鱼嘅三文鱼刺身仍然呈现半熟嘅状态，不过外面就有烧烤过嘅香味，再加上酱汁同鱼籽，食起上嚟非常鲜味。牛扒配腐皮寿司确系一个几新颖嘅配搭，双重芝士牛扒将牛扒切成粒状，牛味够浓郁，再配上牛扒汁同芝士酱，非常惹味。蟹棒明太子系小朋友嘅至爱，将蟹棒切成蟹棒碎，上面再加上明太子酱，小朋友就最啱食。除咗腐皮寿司，呢度仲有售卖韩式饮品同美食方便包，选择丰富。其实呢度有接近20款腐皮寿司，下次要试埋其他嘅口味！
因为都已经比较晏，所以选择唔系十分齐全，好彩都仲有我想食嘅味道。
我就最钟意佢哋嘅外卖包装，每件腐皮寿司都有独立嘅间隔，攞到返屋企都仍然屹立不倒。
蒲烧鳗鱼系将鳗鱼切成粒状，再放喺腐皮寿司之上，带皮嘅鳗鱼粒粒爽口，鳗鱼汁浓郁，非常美味。
蒲烧鳗鱼
$38
13 浏览
0 赞好
0 留言
炙烧三文鱼嘅三文鱼刺身仍然呈现半熟嘅状态，不过外面就有烧烤过嘅香味，再加上酱汁同鱼籽，食起上嚟非常鲜味。
炙烧三文鱼
$38
6 浏览
0 赞好
0 留言
蟹棒明太子系小朋友嘅至爱，将蟹棒切成蟹棒碎，上面再加上明太子酱，小朋友就最啱食。
除咗腐皮寿司，呢度仲有售卖韩式饮品同美食方便包，选择丰富。
其实呢度有接近20款腐皮寿司，下次要试埋其他嘅口味！
张贴
