餃掂手工餃子雲吞專門店

第一次食「饺掂」嘅时候只有一间店，依家已经有七间分店！饺子价钱实惠又饱肚，成日食都唔厌。今次同样叫咗煎饺同汤饺，等候期间问咗店员要腌萝卜，白萝卜爽脆，酸酸地好开胃。松茸饺系饺掂既招牌之一，而龙凤松茸饺就分别用咗黑白松露做馅料。饺子煎得金黄香脆，外皮厚薄适中，食落菌味清新香浓，加入黑白松露更浓郁。汤饺附上状元九鼎汤，用粉葛、鲮鱼、鲫鱼、赤小豆等材料熬成，无味精，入口清甜。饺子挺身饱满，馅料肉同菜嘅比例平衡，猪肉扎实鲜香，加埋香嫩韭菜，好吃！芫荽猪肉饺馅料新鲜，芫荽味清香但可以浓一点。山楂雪梨水清润下火，酸酸甜甜，消滞一流。