餃掂手工餃子雲吞專門店

营业中

休息中

第一次食「餃掂」嘅時候只有一間店，依家已經有七間分店！餃子價錢實惠又飽肚，成日食都唔厭。今次同樣叫咗煎餃同湯餃，等候期間問咗店員要醃蘿蔔，白蘿蔔爽脆，酸酸地好開胃。松茸餃係餃掂既招牌之一，而龍鳳松茸餃就分別用咗黑白松露做餡料。餃子煎得金黃香脆，外皮厚薄適中，食落菌味清新香濃，加入黑白松露更濃郁。湯餃附上狀元九鼎湯，用粉葛、鯪魚、鯽魚、赤小豆等材料熬成，無味精，入口清甜。餃子挺身飽滿，餡料肉同菜嘅比例平衡，豬肉扎實鮮香，加埋香嫩韭菜，好吃！芫荽豬肉餃餡料新鮮，芫荽味清香但可以濃一點。山楂雪梨水清潤下火，酸酸甜甜，消滯一流。