豚王 (已搬遷) 新店位置

呢间拉面一直想试，因为实在太火！ 可惜门口无时无刻都大排长龙！趁今日闲日去试下！门口只有几个人！等了10分钟可以入场！坐最入嘅角落位，因为我有个细拉喼！方便我放东西！环境好迫，基本上背贴背食！长方型餐厅一边系座位一边厨房！中间一条走道好窄！预咗一定要搭枱！人多唔适合！坐低店员会比杯冻水加点餐纸，根据自己喜好点餐！我想试最基本嘅！豚王：最简单嘅猪骨汤拉面！配青葱木耳丝好爽口！汤底好浓滑，但唔肥腻，幼面我选硬，但出来又唔太硬，几弹牙，猪腩片薄身，每片一半系爽口肥膏，一半瘦肉，唔会好咸，唔油腻，辣酱唔辣，几香！下次可以加多啲！不过坦白味道唔特别到值得排半小时队去食！溏心日本蛋：另上，仲要食到一半，问店员催先上，卖相又唔靓，烂尾嘅，咁都照比客（好多日本食店都好著重卖相，唔靓唔比客）咬一啖，好冰冻，如果暖食会好啲，蛋白好嫩，蛋黄流心，好浓蛋味，唔重卤水味，味道可以嘅！最令我惊喜嘅竟然唔系拉面，系放枱面任食嘅腌芽菜，芽菜放在竹筒内，好橙红，食落爽脆，微辣咸香，好好味，我不停添食另外一款腌瓜都爽脆但好咸，唔够芽菜好味！店员唔太亲切，我追问点咗嘅溏心蛋，一句：「另上嘅」就走咗去，我只系第一次帮衬，点知