茶理史 (已結業)

呢间良心小店真系几值得支持。一嚟店面好多好靓嘅装饰，又有海报又有标语，每次帮衬都觉得充满亲切感。而且近年嚟珍珠奶茶真系卖得越嚟越贵，好多都三十蚊起跳，而茶理史好多饮品都系二十蚊就饮得起，间唔中饮下，年中都悭返唔少。白玉腐竹奶茶系市面上非常非常少见嘅手摇饮料（真心未喺其他舖头见过），有种饮甜嘢嘅罪恶感当中加返少少健康嘅错觉，算平衡返少少啦。饮得呢杯嘢我会拣热嘅，半糖，甜度会有少少似腐竹糖水但变咗奶茶底。白玉其实同一般珍珠差唔多，都几难得就算我嗌热嘅啲白玉都唔会好淋唔好嚼。Overall味道我觉得都有中上㗎，$25物有所值！btw有免费杯套任攞，好warm好靓！