最掂燒味 (已結業)

入门口见到个环境算系干净，唔会好似一般烧味舖咁，成地都油咁，鬼死咁冼；而且啲装修都有啲特色，唔会老老套套咁样，所以都坐得好自在好舒服。以前从来无听过乜嘢叫「腩叉」，原来即系用猪腩用嚟烧叉烧。入口系好爽嘅，有啲似食猪颈肉嘅口感，爽得嚟好香嘅叉烧香味。最重要系，佢上枱𠮶时，仲系热辣辣，唔会好似放咗系度好耐冻冰冰咁。仲有佢个花胶碗仔翅，唔系杰挞挞咁，但系落到好足料，可以连醋同胡椒都唔驶落都咁好食，真系好有惊喜。唔会见到一大旧花胶系碗仔翅入面，因为啲花胶切咗做细细粒，我都几喜欢咁样，唔驶擘到个口鬼死咁大先食到，又唔驶点「赵」，方便我呢啲懒鬼。