欽記麵家

营业中

休息中

联和墟午餐时段泊位好难！边度度揾到位就食边度！同事介绍话呢间粉面都唔错，普通面档格局，可以话无装修，地方残旧，三个人坐咗门口圆枱，即刻落单叫嘢食，奇怪枱上无餐牌，只有墙上有，唔系咁方便，见住门口厨房煮好，不过开放式厨房要处理好，唔系会暴露无遗，呢度师傅煮到汤汁满泻，比较乱糟糟的，食物好快到！牛腩云吞面：牛腩大件又半肥瘦，肉质唔嚡，索晒腩汁，腩汁好浓味！云吞系猪肉云吞，唔爽口但有肉香，云吞皮薄唔会烂，好滑溜！幼面爽口无碱水味，好味！油菜菜心：蚝油浓，偏咸，菜心渌得过熟，淋晒无咬口！楼面店员无停手，好繁忙，好勤快！厕所超窄，一个凹位女人入都有难度，入面转身极难，幸好干净（可能都无人入到去）平实唔花巧嘅小店！