滇二哥雲南米線

营业中

休息中

下午茶时段口痕痕，想食少少嘢又唔要咁热气，于是我同老婆就决定去食米线。呢间店喺正mikiki对面，星期日下昼去冇乜人。下午茶餐由2点半供应到6点，每人都要碗腩肉米线（$30）（酸辣小辣），我果碗加$2转薯粉，可以配豆浆或热饮，我地拣左豆浆。腩肉辣辣地好惹味，米线本身已经有肉碎、酸菜、芽菜、韭菜、葱同芫茜，所以好香；而且酸辣汤底够浓味，叫左小辣都几辣，辣味慢慢渗出黎，好在呢度够冷气，如果唔系实食到成身汗呢。$30腩肉米线茶餐，算系抵食。