滇二哥雲南米線

营业中

休息中

話說我上次憤然離開從心素食之後，唯有通街搵食。琴日見呢間滇二哥米線好似有位，就入去。阿姐黎手就招呼我坐係廚房門口，係我進食期間，仲撞左我兩次𠻹。我雖然算食得小辣，但為保險，嗌左個蕃茄湯底37蚊包一餸（幾碎片椰菜+清新幾瓣蕃茄），之後就每餸8蚊/9蚊。至於我嗌左其他咩餸你地自己睇圖。上到枱，拍照存檔，你地睇圖，嘩，又大又整齊，以為我食得好飽？ No way!!!!!豆卜係骰子兩倍大，對半cut出二變六，好似耶穌行神蹟咁，充分製造出三卜六粒既抵食假象。喂，我識條鐵咩？大拿拿9蚊豆卜，當然要細心為顧客cut開，照顧你既櫻桃小嘴，足見店家貼心之處。另外，米線太長，係好難進食既，於是店家又再行神蹟，米線就碎成1-2cm啦，啱架啦。嗱，我人好均真，佢個蕃茄湯底係ok，但價錢絕對bad.仲要熱飲加8蚊。我埋單都55蚊，叫埋杯野飲就真係我喊你笑。我大概係1點幾埋單，結果2點幾就空虛……

去開新蒲崗，作為米線迷，路過米線舖就入去幫襯下。門面其實麻麻地吸引，不過search過open rice，見有人話米線關注組推介過，亦有人話普普通通，米線有咁多種門派，各花入各眼，所以要自己試過先知係咪岩自己嘅餐牌同一般雲南米線舖嘅格式類同，例牌叫酸辣米線再加配料菜心腩肉酸辣米線 微辣湯底唔係好濃厚嗰種，比較稀，for我會覺得太單薄。已經係叫微辣，但個辣都幾搶喉，麻麻地。米線幾林，軟硬適中.配料方面，芽菜韮菜都尚算夠，但肉碎同酸菜就比較少，我超中意食酸菜，個份量完全唔夠喉，不過咁啱佢嘅酸菜好好好酸，唔係我喜歡嗰種味道，所以好彩得好少😂.餸菜黎講呢，腩肉係出色嘅，入味，味道適中，唔會太咸太淡。腩肉會有啲肥肉同皮，但整得幾好味，唔會膩。菜心就純粹想健康少少先叫，唔林，that’s all😅奶茶加$8，少冰左都幾多冰，味道偏甜，比較多奶，冇咩茶味賣單$57，晚餐，差唔多價錢啦.整體評價只可以話不過不失，無咩特別，for填飽肚嘅一餐

睇show前快食晚餐，揀咗依間雲南米線店🥢小店都幾受街坊歡迎，keep住有人嚟食嘢買外賣～～✴️腩肉清湯酸辣紅薯粉✴️腩肉厚薄適中，肥肉同瘦肉相間，不過腩肉自帶辣味，有時候唔小心會俾啲辣味啃親，唔食得辣嘅朋友要注意⚠️✴️雞絲豬潤酸辣湯紅薯粉✴️酸辣湯叫咗微辣，不過湯底酸度唔高，酸菜份量都比較少，較可惜☹️豬潤熟度剛好，中間啱啱好熟👍🏻雞絲就正正常常，索滿湯就唔會好乾柴～紅薯粉質地Q彈，令人不經不覺就食哂成碗🙈

上星期去胡李名靜體育館睇演唱會，嗰兩條街就係大商場，隔離條街就有一帶食肆，包括呢間中規中矩嘅米線舖頭。幫襯吓小店，嘢食就真係中規中矩，米線熱度、份量、辣到都足夠，不過面煮得有啲腍，都嫌佢唔夠酸。小食鴨腎份量叫做大兜，而且醬汁都好濃厚。呢個質素喺小店嚟講我覺得可以接受，可以食第二次，因為可能次次手勢都唔同。同一個缺陷亦真係需要改善缺陷，就係出餐極慢。我諗係個別同事嘅問題：因為我30分落單38分張單先print 出嚟，再俾廚房佢準備食物真係等咗成三個字⋯⋯ 一間米線舖就係想快食快走，佢完全做唔到。

今日想食酸辣米線，但不想食連鎖店的，所以試下e間-酸辣小辣，+腐竹、雞翼，熱奶茶多奶湯底幾濃味，有少少甜味腐竹，米線都是比較有咬口的，個人喜歡軟一點雞翼可以熱奶茶唔錯-芽菜真係超多！感覺比米線還多腐竹也不算少食到最尾還有配菜如果下次食，可能會加底，因為今天食唔飽......-侍應姐姐好好笑容，另外俾個碗裝骨頭

新蒲崗美食居多，米線是其中之一，小編特意與同事去試試這一間比較出名的米線舖。雖然新蒲崗多平民食物，不過價格就豐儉由人。小編荷包最近比較輕，所以只是叫了2個配料。酸辣米線（微辣，走韭菜腐皮，包一份$7配料，小編選擇了響鈴，另外加炸醬）其實$7配料多數是菜，小編覺得有點寡，只好另外再加一份配料（可能是營銷手法😂）因為店鋪食客比較多，所以小編下單後，大概等了20分鐘才把米線送到我臺上。雖然小編叫了微辣，但覺得還是很辣，酸味不明顯，可能是店員記錯吧。湯底的豬骨湯味還是蠻鮮香的，感覺沒特別加味精，狂喝水主要是有點過辣><。米線不會煮得過軟，中間帶有一點硬硬口感，有點Q彈，份量都頗多，加上湯底，很是開胃。腐皮直接吃是沒味道，只有有油炸的味道，所以建議沾湯，這樣就好吃好多，非常吸湯。炸醬份量多，豆瓣醬味比較重，對於小編來說會有點過鹹，所以把它們浸在湯裡比較好。這間米線舖質素不差，雖然沒有到很驚人的程度，但是不錯吃，在寒冷的冬天吃一口熱騰騰的米線跟湯還是很幸福的。

上次想食米線就去左Mikiki 裡面個間連鎖米線到食 但唔好食 所以就行返出尼搵米線食 咁岩行出商場就見到佢☺️無辣不歡既我揀左雞絲重慶酸辣粉 一上枱就聞到勁香既酸辣味 口水即刻湧出尼🤤🤤🤤湯底好夠酸 雖然好明顯食到酸味 但同辣味又唔會分離 花生飽滿香口 薯粉係粗身個款 煙煙韌韌 好味😋😋😋因為酸辣粉多油既關係 食到最後都仲係熱 天氣凍凍地 岩哂同行屋企人唔食辣就揀左蕃茄湯底 佢對個湯底讚不絕口 同木耳絲係絕配 但雞翼就一般 豬大腸睇落好肥 食落⋯唔好食

我其實都算係一個米線控，特別中意食酸辣既味道，小辣就岩岩好了。今日又過左去新蒲崗幫公司整野，食lunch 時間係附近搵到呢間雲南米線。我食米線好睇重個湯底，我好中意佢個湯底，好濃郁，唔會太’傑‘，亦唔會得個辣味，有啲甜甜地，我唔係好食得辣，亦唔中意食到成頭汗既感覺，小辣就岩我啦，辣辣地幾開胃。米線既軟硬度係我好中意既口感，爽爽地，啲餸都入晒味，米線同啲餸既份量都算多，價錢上又唔係好貴，平過出面某啲連鎖米線餐廳，同埋我發覺呢間係「米線關注組」入面有推介過，真心覺得人地無介紹錯👍🏻

週末午市時間經Openrice叫外賣自取，點左一個米線同一個薯粉，Openrice app 呢間舖係無分湯上既選項，所以係「特別要求」一欄寫低「分湯唔該」。去到一睇，無分湯，已經浸到發脹。同坐counter個嬸嬸講，佢話「你都無寫分湯，我點知。」我show個電話俾佢睇大大隻字「分湯唔該」。呀嬸話：「我見唔到喎，人地嗰啲有寫喎」跟住拎住另一個App落嘅單話人地有得揀。咁我話你地係Openrice無呢個選項喎，佢竟然講「你自己同Openrice講，我唔知。你而家係咪要分？加兩蚊！」食到一肚氣，仲要係將原本浸到發晒脹既米線同薯粉分湯俾我。

到mikiki行街， 剛好晚飯時間就行出商場搵食。 試下滇二哥雲南米線，位於新蒲崗景福街57號地下。晚餐🥢 ～ 炸醬腩肉酸辣米線、 雞翼大腸木耳絲酸辣米線、 拍青瓜、咸檸七、凍檸茶。 ▫️炸醬腩肉酸辣米線🍜 ～ 炸醬和腩肉都好味， 湯底味道酸酸的， 適合我口味，剛好我不能吃太辣。 ▫️雞翼大腸木耳絲酸辣米線🍜 ～ 雞翼大腸木耳絲份量都多， 這款點了小辣， 非常惹味。 ▫️拍青瓜🥒 ～ 口感脆爽， 辣度適中。 ▫️咸檸七 🥤& 凍檸茶🥤 ～ 這兩杯飲品和米線很夾， 清新又解膩。 米線份量多價錢適中， 味道亦不錯。

在新蒲崗工作兩年，一直食開滇二哥米線。我喜歡下午茶時間才去食，因比較少人，又可以揀坐卡位。中午時間係好多人，等米線亦較耐。一如往常，下午茶時間才去，夠少人！最喜歡叫雲南風味米線，夠料又好味，另外加埋雞絲！

以前喺新蒲崗返已經成日食滇二哥嫁啦 我覺得新蒲崗真係無乜好食既米線舖 滇二哥係我既不二之選 不過我都好耐無食佢 今次食返 覺得佢湯底比較稀 我個人鍾意食比較”傑”啲既湯底 但佢味道係好食既 唔知係咪我以前我無好注重湯底既關係 所以宜家先覺得佢稀🤔🤔🤔另外仲叫左個蒜泥白肉 蒜泥白肉喺出邊食真係有好多種唔同 呢度食既就係同個名一樣 蒜泥+白肉 都好食既 不過唔係我食過最好食既 因為我食過係會其他醬料有汁嗰隻仲好食

有啲員工真係去食野就受佢氣。有客叫佢6-7次斟杯水，佢無應人。客人問佢你聽到嗎？佢就鬧個客。但老闆娘好好人，佢好慘啲員工幫佢倒米，可能太忙掛🙄食物質素ok不過不失。

見星期六中午都唔滿坐，便入去一試。點知得到唔好體驗衛生方面：差，筷子有污跡，米線個碗又痴粒粒食物方面：叫左豬紅，白蘿蔔，豬軟骨小鍋米線 小辣。除左豬軟骨正常，其它都唔好味，米線過淋，豬紅腥，白蘿蔔有陣好似浸左糖水既甜，甜得好奇怪，食咁多間麵鋪都係第一次，個湯底眼見幾清，以為無咩味增，返到屋企要飲好多水先解渴。服務態度：差，見到menu有set好既配搭圖，但無價錢，好奇一問幾錢，其它餐廳配搭款多數實惠一點，點知呀姐就答自己加，同前面一樣，圖係比你睇渣。邊答邊走，之後聽到另轉面話有字都唔識睇。本身諗住問完唔岩價錢，心中都知食咩好，點知一問就佢就走左，等多一秒，問多一句都無。價錢方面一般，可接受。其實真係想支持小店，但小店質素參差，很難遇到一間食得愉快的餐廳。

本來打算去mikiki食個快餐，點知最近好多商場餐廳都神咁早就閂門，所以就亂入左來滇二哥雲南米線 ：ｐ（就係正mikiki正門對面haha) 佢有米線/ 公仔麵/ 薯粉/ 烏冬底選擇，又有清湯/ 蕃茄湯底/ 麻辣/ 酸辣.....struggle左好耐要蕃茄定麻辣....最後揀左麻辣薯粉 $36 配一個配菜，另外再加肥牛同coke zero  (+8) 埋單都係 around $50  第一次食唔敢叫太辣，所以要左微辣佢個辣好香ahhh，下次再食可以叫小辣....我本身都怕怕地辣，微辣對我來講只有辣香，唔辣，大家可以衡量下哈哈！本身跟餐的韭菜花生芽菜都大大份！肥牛另外叫(+9) 份量都唔細  超抵！重有薯粉煙煙unun，咁既價錢係超值：）大家行過值得一試^_^