影片
更多
2014-01-12
1171 浏览
牛腩，可以话系喺绝大部分茶餐厅、大牌档同港式粉面店都有得售卖，亦连系左部分香港人既回忆。看似平凡既牛腩，其实绝不平凡，要做得好，何其简单？其实牛腩新鲜定雪藏、熬既时间、唔同部位以至唔同牛既品种都会对牛腩既好食程度有所影响。试问大家，好食既牛腩，大家觉得香港有几多间做到？过去几年我去到港九新界，心水只有几间，呢间系其中一间。群记清汤腩门面想食呢间食店既人要注意既系，开店时间系星期一至六既下午一点，有时会提早少少比食客入内，星期日休息。虽然食店写明话开到夜晚八点，但如果食店既货源卖晒会提早收铺。所以要食就趁早！同埋有时会几多人排队，可能要等成半个钟先食到，食店入面得大约五张枱，必须搭枱，而服务方面虽然落单既人木口木面咁，但不能奢求甚么服务既，主要系为左食物先嚟。牛爽腩河 ($45)食牛腩最好当然系叫爽腩，好多人唔知爽腩系咩，其实即系崩沙腩，系位于牛肚腩，近横隔膜既位置，较一般牛腩更为罕有。爽腩顾名思义，食落确实系比一般牛腩更为爽口，肉质嫩滑，腍得嚟唔会无左肉既应有质感，完全唔chewy！而呢碗汤底亦都系做得好，望落有少少油，全因用上五十几斤牛骨熬成，饮落浓稠浆口，牛味几香浓。河粉唔会太腍亦
群记清汤腩门面
想食呢间食店既人要注意既系，开店时间系星期一至六既下午一点，有时会提早少少比食客入内，星期日休息。虽然食店写明话开到夜晚八点，但如果食店既货源卖晒会提早收铺。所以要食就趁早！同埋有时会几多人排队，可能要等成半个钟先食到，食店入面得大约五张枱，必须搭枱，而服务方面虽然落单既人木口木面咁，但不能奢求甚么服务既，主要系为左食物先嚟。牛爽腩河 ($45)
食牛腩最好当然系叫爽腩，好多人唔知爽腩系咩，其实即系崩沙腩，系位于牛肚腩，近横隔膜既位置，较一般牛腩更为罕有。爽腩顾名思义，食落确实系比一般牛腩更为爽口，肉质嫩滑，腍得嚟唔会无左肉既应有质感，完全唔chewy！而呢碗汤底亦都系做得好，望落有少少油，全因用上五十几斤牛骨熬成，饮落浓稠浆口，牛味几香浓。河粉唔会太腍亦唔会太碎，几有口感。爽腩质素好，相信可能系因为攞既货源够靓够新鲜。我钟意呢度既爽腩，食物质素高难怪连周润发，谭校长同国际名厨Anthony Bourdain 都嚟过呢间小店食，亦不枉我用左成3个钟来回车程先嚟到食。牛腩，唔止系上左年纪既人喜欢食，我呢位90后都好钟意食架！喜欢小店既原因，系因为好多都唔似某部分连锁集团只为赚钱而喺食材方面偷工减料或者入次等货，唔少小店既食物系真才实料，食店要成功，要靠食物先留住客人既心，食物要做好食先至留到同吸引到客人，呢间绝对用食物打动到我，所以我会继续嚟呢间食店同埋继续支持其他小店。
张贴
