堂記腸粉專門店 (已結業)

佐敦之行其中一站就系黎呢到食肠粉，间野叫得自己做肠粉专门店，应该有返咁上下，所以一路都有兴趣黎试下。坐底既时候，阿姐话肠粉要等二十分钟，今日有时间，等下又无妨。要左两款肠粉，猪润虾米同埋鱼片叉烧，同埋都试左佢既粥。粥系唔洗等，等肠粉既时候，食粥刚好，鸭肾菜干猪骨粥，好大旧猪骨，个粥好屋企既感觉。不过要等上二十分钟，要埋另一款粥试下，就系猪骨花生粥，水准也不逊。二十多分钟，终于有得食。肠粉睇落见到馅，明显做得够薄，食落亦够滑，很好。虽然做得薄，不过都无穿馅，真系要赞。馅料方面，猪润食落几爽，亦几大旧下，配上虾米，个味几夹。另一款系鱼片叉烧，鱼片几清淡，鲜甜算不上，不过几滑下，加埋肠粉真系滑上加滑，叉烧切粒做馅，不算太特别。呢到d肠粉真系做得唔错，几架势下，功夫野系香港买少见少，行开行埋有时间真系要支持下。系路边食，车唔算太多，环境可以接受的。服务唔系要求太多应该都唔系太大问题。黎帮衬既应该系要考虑自己有冇时间，等应该都无可避免，走既时候full house，听到阿姐讲肠粉要等四十分钟，唔系夸张。