一條腸粉 (已結業)

之前喺深圳见过皱皮肠粉，听人讲几好食，一直想试吓，我有次经过见到一条肠粉，就一直好想试。星期六中午一点钟左右，成间店得三至四台客。见到有个传统嘅石轮磨浆机，不过系摆设，唔系真系攞嚟用。几欣赏嘅系，佢嘅餐牌好环保，过咗胶之后用萤光笔划，可以无限次循环使用。今次就叫咗个腩肉捞饭、蚝仔玉米肠粉，同埋鲜虾玉米肠粉。啲食物都上得几快，捞饭啲汁同埋饭嘅份量计得几好，倒晒D饭入去，啱啱好吸晒啲汁，都捞得几均匀。而蚝仔肠粉上面就得四只蚝仔，肠粉系幼滑嘅，不过就唔入味，豉油有豉油，肠粉有肠粉，好分离嘅感觉。