林記點心

营业中

休息中

今朝一早俾人捉咗去街市楼上嘅熟食中心饮早茶，都几迫人几多人帮衬，等咗一阵先有位，仲要搭枱，不过啲点心味道又真系唔错嘅，同埋价钱平。叉烧包一碟有两个，都几大个，入边啲馅都OK，都有啲叉烧肉丝喺度。蒸牛肉肠粉好滑，系咁多款点心之中最有惊喜嘅一款。烧卖就麻麻哋，好似咸咗少少。虾饺好食，皮够薄，入面粒虾仁都算几新鲜。鸡扎入边有蟹柳都几搞笑，整体味道唔错嘅，旧芋头唔够粉。走嘅时候先至见到原来茶钱有分公茶同埋名茶，公茶$4位，名茶$6位。