漁民麵館 (已結業)

呢间渔民面馆由元朗开到出嚟荃湾，其实九龙尖沙咀𠮶边仲有一间，之前一路睇各大媒体介绍佢嘅花胶面点点点好食，好钟意食花胶呢类胶质嘅我一直都好想试，但系要我入元朗又实在太远😂我又懒... 当佢嚟到荃湾就带上爸爸妈妈一齐去试， 补充骨胶原。呢度嘅食物唔贵，虽然如果系花胶面，价钱唔系真系一个可能食到嘅花胶嘅价钱，但系用料绝对唔差。花胶同冬菇炆得好入味，佢啲面都可以索晒花胶啲汁，食出淡淡精华。当然佢仲有其他创意嘅食物，例如将花胶打入丸类度，变成花胶墨丸。钟意佢装修简单，而佢嘅餐牌设计亦都花过心思去谂，虽然食物款式多，但系主要都围绕佢花胶做主题，令到上菜速度唔会好慢。呢间系会翻桌嘅餐厅😉