魚匠食堂 (已結業)

一入去就見到好多卡位，而且座位寬敞，坐得幾舒服。#拖羅蓉海膽丼望到餐牌有呢款，唔使諗就呢個，個人最鍾意呢個配搭，拖羅蓉同海膽都鮮甜，比例上飯就多咗啲。加$18可以升級為定食，會有蜆肉麵豉湯及前菜。#魚匠盛丼刺身是角切的，包括了三文魚籽、蟹肉、熟帆立貝、飛魚籽、鰻魚、八爪魚、蜆肉、赤身魚和白身魚。比較特別係會另上一小碟醋果凍，客人可根據自己口味來調節份量，用來拌埋啲飯食，即是變成醋飯，有解油膩嘅作用，個人喜歡偏酸，所以成碟酸果凍落晒。