影片
更多
2017-11-15
1780 浏览
以一道抢镜嘅海胆杯打响名堂嘅S2 Kitchen，虽然铺仔细细，食客依然不绝，其实一直想嚟好耐，都未有名目，卒之趁刚表姨甥女出新书，食番餐日本菜贺一贺佢，希望佢本讲本土小动物嘅绘本图册能大卖。S2地址就写威灵顿街，实际铺面开晌石板街第二截，有少少隐身晌啲小档口后面，不过，小弟返开中环工，当然一啲都唔难揾。晌街角，已经睇见佢哋张进化版十层海胆杯海报，够晒吸精。推开趟门入内，居酒屋枱局，细细间，柔和嘅灯光，又坐满客人，气氛炽热。我哋拣坐晌吧位，全程可欣赏到师傅做菜，虽然不停有落单，但见几位师傅做菜有条不紊，神气自若。既然成间居酒屋，日本酒、清酒自不然唔少得，就连头顶都贴上唔酒盒做装修。不过，唔太饮酒都唔喺问题，后面仲有啲果实油及多款日本果汁汽水供选择。然而，讲到有咩食，真喺比想像中多，仲谂住佢细细间居酒屋，选择会集中啲。十层海胆杯故然喺依度嘅名物，此外，仲有沙律、佐酒小食、刺身、寿司、卷物、炉端烧、饭面……等等，概略有超过80菜式。嫌太多搞到花多眼乱，墙上几块萤光黑板：乐师傅推介及S2人气之选，相信帮到患有选择困难症嘅朋友。十层海胆杯 $398虽然大家都好熟，都简介绍吓，以烧白饭鱼薄片做装
S2地址就写威灵顿街，实际铺面开晌石板街第二截，有少少隐身晌啲小档口后面，不过，小弟返开中环工，当然一啲都唔难揾。晌街角，已经睇见佢哋张进化版十层海胆杯海报，够晒吸精。
推开趟门入内，居酒屋枱局，细细间，柔和嘅灯光，又坐满客人，气氛炽热。我哋拣坐晌吧位，全程可欣赏到师傅做菜，虽然不停有落单，但见几位师傅做菜有条不紊，神气自若。
既然成间居酒屋，日本酒、清酒自不然唔少得，就连头顶都贴上唔酒盒做装修。
不过，唔太饮酒都唔喺问题，后面仲有啲果实油及多款日本果汁汽水供选择。
然而，讲到有咩食，真喺比想像中多，仲谂住佢细细间居酒屋，选择会集中啲。十层海胆杯故然喺依度嘅名物，此外，仲有沙律、佐酒小食、刺身、寿司、卷物、炉端烧、饭面……等等，概略有超过80菜式。
嫌太多搞到花多眼乱，墙上几块萤光黑板：乐师傅推介及S2人气之选，相信帮到患有选择困难症嘅朋友。
十层海胆杯 $398虽然大家都好熟，都简介绍吓，以烧白饭鱼薄片做装饰，由上而下：黑鱼籽、北海道紫海胆、冲绳海葡萄，蓝鳍吞拿拖罗蓉、三文鱼籽、白虾
、北海道紫海胆、松叶蟹肉、北海道紫海胆、鲜海带碎，一层叠一层，卖相吸引，集多种食材嘅鲜味，但又有唔同嘅口感，真喺「鲜」下手为强，啖啖原鲜味。前后三层海胆，喜欢海胆嘅朋友一定可以满足晒。
牛油果帆立贝洋风沙律 $168喺师傅推介菜式之一，以一个小铁锅盛载，份外有型格。顾名思义，就喺以牛油果及帆立贝做主材料，加点火箭菜及车厘茄，淋上榄橄油及蜜糖，因为㗳落味道甜甜哋，可平衡番火箭菜嘅苦味，再放上两瓣海胆做装饰。牛油果同帆立贝嘅份量可不少，前者够熟够腍，而后者喺刺身级质素，鲜甜且柔软，绵香嘅海胆更有画龙点睛之效，整体既可作为一道清新嘅前菜。
牛油果帆立贝洋风沙律
$168
13 浏览
0 赞好
0 留言
清酒鲍鱼鸡翼 $78只费为人气之选第3位，睇吓喺唔喺咁架势，因为，都未食过近八十蚊一只鸡翼。因为坐晌吧位，可以睇到师傅做菜，即叫即烧，洒盐落炉，但真喺几人气，睇住师傅成晚烧咗唔少只。
鸡翼去晒骨，包实片鲍鱼，所以，入口啖啖肉。鸡翼非常香脆，肉质嫩滑多汁，鲍鱼烟韧有咬口，所以，口感一柔一韧好有趣，不过，食起嚟清酒味就唔太强。
三文鱼夹饼创作寿司 $68又一道师傅推介菜式，仲夹埋创作为卖点，一客有两件，卖相其实普普通通，特别在于口感，以咸香嘅烧白饭鱼薄片夹住黏糯嘅寿司饭，一脆一软，再铺上油润嘅三文鱼粒粒，以及卜卜脆嘅蟹籽，听落口感都丰富啦，食落当然哋切身嘅感受！再晌个沙律酱方面玩啲花款，如蜜糖芥末沙律酱、柚子沙律酱……等等，就更贯彻创作嘅概念。
S2特色海胆火焰卷 $148火焰卷，个名起得够霸气，原来碟下已倒咗啲酒，点火先喺戏肉，一下子火光熊熊，极有视觉效果。
S2特色海胆火焰卷
$148
14 浏览
0 赞好
0 留言
雪海板上飘 $318食到尾声揾个饭面垫肚，但师傅话有道新菜，喺揾啲蒟蒻面做，从未听过有啲咁嘢，令人好奇想试。嚟到就知点解个名改得咗迷幻「雪海板上飘」，因为透过利用干冰做出大量雾气，超有意境。
木盒盛载嘅就喺蒟蒻冷面，幼身到有啲似意大利嘅天使面，唔算好弹牙，但冷凉清爽，晌制作时已见到师傅淋上薄身唔太重味嘅秋葵汁。此外，伴食嘅仲有店家招牌嘅海胆及黑松露酱，令食味多添一份幽香感，兼且，份量真唔少，够3个人食呀！。
晌S2消费真喺唔便宜，但食得出用料靓，做菜有创意，而且，喺卖相方面落足心机，确喺抵赞嘅。招呼方面亦唔错，成晚帮我哋换咗好多次碟，仲有，晌官方FB打卡，有雪米糍送添！
张贴
