影片
更多
2006-10-13
0 浏览
我系十月八号夜晚六时几同我老婆去香港仔试下呢间餐厅，本来无乜抱咁大既期望，因为今年新年个阵去过湾仔个间印度餐厅，都一的唔好食，所以我唔敢有盼望....一入去时，有好大旧印度香料既味道，唔错，唔错；跟住有个印度女服务生好热情比我地二人位坐，我地一坐下望，间舖头系细d，坐得二十几人，可能因为太遍远，所以当晚得十人以下。跟住我地就点菜啦，个女服务生唔会讲中文，但系佢好有耐心系餐牌指出有乜介绍，佢仲会听懂少少中文，但系唔会讲(佢最多都系讲英文)，我地就点左一个$170蚊套餐，1}香葱薯仔薄饼2}牛油薄饼(本来系白饭，我地想转下薄饼，个女服务生就马上说OK) 3}鱼块烧烤4}杂菜烧烤，最后我地叫左一杯芒果乳酸同埋柠檬梳打我地等左三分钟，个女服务生乜都唔问，送我地一个脆饼同埋二个汁料，仲话系free，我一试下，绿色个汁，真系好好味，个饼都唔油腻，比八十分。等左十分钟，先黎个头盘啦~个香葱薯仔薄饼好香....我同我老婆食时，老婆话个薄饼比湾仔好好多，因为湾仔个薄饼食下都唔够呢间香同埋软；跟住鱼块烧烤上黎啦，正呀~个鱼块虽然有少少干，但系个汁无得弹，我同我老婆
一入去时，有好大旧印度香料既味道，唔错，唔错；跟住有个印度女服务生好热情比我地二人位坐，我地一坐下望，间舖头系细d，坐得二十几人，可能因为太遍远，所以当晚得十人以下。
跟住我地就点菜啦，个女服务生唔会讲中文，但系佢好有耐心系餐牌指出有乜介绍，佢仲会听懂少少中文，但系唔会讲(佢最多都系讲英文)，我地就点左一个$170蚊套餐，1}香葱薯仔薄饼2}牛油薄饼(本来系白饭，我地想转下薄饼，个女服务生就马上说OK) 3}鱼块烧烤4}杂菜烧烤，最后我地叫左一杯芒果乳酸同埋柠檬梳打
我地等左三分钟，个女服务生乜都唔问，送我地一个脆饼同埋二个汁料，仲话系free，我一试下，绿色个汁，真系好好味，个饼都唔油腻，比八十分。
等左十分钟，先黎个头盘啦~个香葱薯仔薄饼好香....我同我老婆食时，老婆话个薄饼比湾仔好好多，因为湾仔个薄饼食下都唔够呢间香同埋软；跟住鱼块烧烤上黎啦，正呀~个鱼块虽然有少少干，但系个汁无得弹，我同我老婆就拎薄饼系咁沾呢d汁食埋佢，仲食到唔停咁添...跟住再出埋杂菜烧烤同埋牛油薄饼，我同我老婆试下...点知有惊喜，个菜仲好新鲜，一的无烤过火，都几ok既，加埋个牛油薄饼真系好一流，一的唔太油腻。
讲埋个饮品，个芒果乳酸似益力多，但系无咁酸，值得推荐，仲有个杯柠檬梳打都几正，饮落都几醒神^^"
最后我地埋单，佢地比埋似糖果盒我地食下，我地因为食太饱啦，无食到；是晚埋单$170 + 加一服务费$17共$187 都唔系几贵既，份量多，味道好，值得推介~~~
我地仲会下次带埋我朋友黎食~
张贴