Pompompurin Cafe (已結業)

首先我想讲，同行嘅人全部都唔系布甸狗粉丝，只不过见佢8月12号结束营业，就去朝圣一下。+++点估到排队排咗个半钟+++如果唔系小朋友好想嚟食，我应该走咗。我哋3个人叫咗两杯特饮，分别系焦糖牛奶同芒果梳打，再加杯热咖啡，焦糖牛奶要捞均先好饮，因为焦糖坐晒底，会好甜。芒果梳打同贡茶买果啲无两样，$69算系贵。我哋嗌咗一个俄罗斯炖牛肉饭同一个卡邦尼意粉，先讲个意粉先，普通过食茶记。嗱，你实话睇主题为主，食物其次，但对于吃货嚟讲，食物系永远的第一位！个俄罗斯炖牛肉饭就为呢一餐饭挽回唔少分数。牛肉系肉碎，配埋个汁好惹味，小朋友第一时间食咗一大半。甜品叫咗雪糕新地同拿破仑，嗯……有啲后悔唔试吓个tiramisu 。可能都开咗业一段时间，店内嘅装饰都有些少旧，个女厕仲坏埋要用男厕。总括嚟讲，即使佢唔结业，我都唔会回头。