浜燒太郎 (已結業)

平日成日都會去將軍澳海濱長廊散步，都會經過呢間浜燒太郎。 呢間店店面裝修非常之日系， 令人忍唔住想試下。有一日晚餐同朋友去咗食， 可能因為係有訂枱嘅關係， 被安排坐喺包廂入面， 感覺就真係好似去咗日本， 坐係塌塌米一齊食野咁。餐廳嘅刺身非常之新鮮， 而且價錢都唔算貴， 絕對物超所值。 油甘魚腩食落非常之鮮甜肥美。一板海膽先至係100蚊左右， 而且食落非常之先甜冇苦味。雞軟骨相當之香脆而且大粒， 剛剛炸起，非常之好味。呢個燒三文魚壽司就比較遜色， 可能因為我都係比較喜歡食生嘅三文魚。日式餃子非常之好食， 點埋特調嘅醬汁， 酸酸地咁， 令人非常之開胃。串燒岩岩燒起就上枱， 每樣都熱辣辣， 相當之值得推薦。