金輝海鮮菜館

营业中

休息中

就两个人，朋友食开金辉，带我去帮衬，话加工平，事实系，码头海鲜艇买咗条斤零班、蛏子、鲍鱼仔、象拔蚌仔，每项100蚊共400，比金辉加工，海鲜自己选的，考的是金辉煮的功夫，以及是否味道与加工费正比。朋友话金辉豉油偏咸要求另上，因为四个菜三个蒸，同豉油有好大关系。先上蒜蓉粉丝蒸象拔蚌仔，粉丝要加廿蚊，抵唔抵见仁见智，豉油沾著吃，蒜蓉够多，粉丝如果剪下会更好，但蒸得ok，豉油我又唔觉好咸，沾著吃刚刚好。鱼蒸多咗2分钟度，老咗少少，另外加多Ｄ葱仲好，不过豉油熟油分开上，总是怪怪的，下次可以不用分开了，应该效果好些。果皮蒸鲍鱼仔，果皮唔够，果皮味好淡，但其他都几好，也没有话内脏唔清。豉椒蛏子好惹味，炒得刚好，味浓送酒送饭都得，不过𩠌多两个人吃，就没叫白饭，同加个青菜了。最后连支青岛，埋单2百零，合理吖！埋单送橙好甜有分加，见Ｄ食评弹多过赞，觅打几个字还人个公道咯！下次多人Ｄ再试多Ｄ再评。