潮成園

营业中

休息中

这条街打正旗号食牛的店，除左呢间标榜吃手打牛丸的， 隔离曾经还有一间自信心爆棚，但眼高手低的「好难食牛肉面」，不过好似一年贷仔就玩完！真的，两间我都食过，边间有食力，现实已告诉了你结果。这间的牛，真的不错，尤其以价钱计，系超值之作。招牌大大只字话你知手打牛丸好坚，我之前有试过，不用说太多，我只需要话你知，佢赢元朗名店「失败牛丸」几条街已足够。今时今日就系咁难揾一些牛有牛味的食店。我较经常食的是牛腩河， 通常我都会点半肥， 但当然伙记听唔听到有冇写落单， 师父知道后又睬唔睬你， 完全睇你彩数。 香港今时今日咁嘅「服务」系够架啦！ 间间都一样。 好似我今次食嘅牛筋腩河， 话明要半肥但始终都冇。 不过瘦还瘦牛腩都非常软淋， 但牛味比有肥的差一啲。 牛筋反而好正， 非常粗，够厚够淋够黏够入味， 算你啦！