時新漢堡飽 (已結業)

细细个成日都会去时新，屋企人食粉面，但我一定拣汉堡，𠮶时总觉得时新汉堡至系正宗🙈大个之后就食少咗，佢搬咗后第一次食，欣喜既系水准依旧，特别系时新酱，依然系回忆既味道。想一次过食猪肉同牛肉两种味，但本身冇得叫鸳鸯汉堡，收银姨姨叫我地点哂2个，然后自己换🤣最后我地都咁做咗无论系猪肉定牛肉汉堡，肉质都好新鲜，同埋汉堡扒两面都煎得焦脆，而鸡蛋里面仲有少少流心，配时新酱依然系最好食🤤鸡肶系即叫即炸，鸡皮炸得脆卜卜，上嚟既时候仲好热辣辣。食落啖啖肉，肉质厚身不嚡口。卤水鸡翼入味得嚟肉质都颇为嫩滑👍吉列鱼扒金黄香脆，味道偏咸，点时新酱一齐食。