彩興來來火鍋 (已結業)

今日难得去左将军澳做野，顺便探一探新居入伙既朋友仔。倾左一阵肚饿佢带左我去屋企附近既一间餐厅打边炉。本身谂系一间普通既打边炉餐厅，点知原来佢深藏不露。。。😆点解咁讲，因为佢每张枱中间都有一个大lon上面有个盖，本来已为系一个炉上面再加个煲打边炉，原来系本身已经有个镬喺度。个镬就系用打边炉㗎啦😆我地叫左个辣鸡煲，老板娘仲好细心叫我地叫咩辣，食开辣既就试下中辣，于是我地就叫左个中辣。随之老板娘就拎住一碟调好味有酱料同一壶辣鸡汤上台，先大火喺黑铁镬爆炒下d鸡。炒个下d麻辣香味已经令到我不断流口水🤤炒完加少少汤焗一阵就食得。鸡件旧旧都有肉，而且嫩滑唔鞋。鸡味浓，无乜冰鲜味，加上秘制既酱汁惹味香口。食完鸡后加汤打边炉🥘🥘我地都系叫左一d普通既边炉料，但每碟既份量都几多。不得不提系个肥牛，份量大得跨张，而且牛肉脂肪比例平均，食落牛味浓，滚耐左都唔会好鞋。食后问番老板娘，原来哩个黑铁镬边炉系佢地首创，出面无得食㗎。