臨記車仔麵 (已結業)

话说有次经过黄大仙，见到有间新开嘅自助式车仔面，就被钟意食车仔面嘅母亲大人，拉咗入去食。作为番茄汤爱好者嘅我，就叫左一个预设好嘅化骨龙餐，配茄汤，分别有猪大肠鸡翼尖牛舌同墨鱼丸，茄汤几浓郁，上边仲有好多蕃茄肉，质素唔错。另外母亲大人就叫咗一碗牛魔王，配清汤，分别有萝卜牛丸牛腩牛肚同韭菜，而呢款就拣咗配菜底，平时好少车仔面会有呢个选择，对于唔系咁大食嘅人来讲，有得配菜底真系几好。两个人叫埋小食价钱都唔系好贵，我哋真系饱到捧住个肚走咁滞。