野郎Stone (已結業)

嚟到尖沙咀嘅一条巷仔发现咗一间可以食石版烧嘅烤肉店 佢系比较自助形式嘅 喺门外有放到一部自助点餐机 但只系收八达通信用卡等等 所以如果食嘅话就要预备 系唔收现金呀 入到去间铺头好细所以都坐得比较迫 而我就叫咗200 g嘅肉眼扒 加多$30转套餐 有埋沙律饭同埋汤仲有汽水可以任添嘅🥳佢张枱旁边有教到你点样去食呢一个餐 佢教嘅系食一口烧一口嘅方法 但系我哋发现呢系唔work嘅因为你一路切一路烧嘅时候 其实剩低未切嘅𠮶部份呢都一路被煮熟紧 所以你根本就系冇可能可以做到你想要嘅效果😐所以下次要食之前我就会拎个碗将个块生嘅扒放咗落个碗先 然后要食先切黎烧 咁就可以避免全熟啦 另外佢仲有三款唔同嘅酱汁俾你选择但系我觉得最好食嘅都系就系加黑胡椒就够啦 整体来讲呢间舖都算抵食嘅 尤其是午市 不过下次我谂应该就唔会转套餐啦因为我就唔太钟意佢啲沙律啦 （纯粹系椰菜丝加芝麻酱）🙈