影片
更多
2019-06-28
6558 浏览
近年食多咗素，亦知道坊间更开咗唔少素食自助餐餐厅，但讲真，就真喺一次都未试过。友人就贪新鲜，建议一齐去试吓，小弟就当然乐意奉陪啦，齐齐嚟到「素一」，横「素」各种美食。餐厅位于地库，可谓别有洞天，门面睇落已予人感觉清新，一室亮白，墙上简单嘅树木、雀鸟嘅彩绘，加上地方大、高楼底，都彷佛有种宁静感。自助区集中晌餐厅后方，但就无明显嘅区域分别，用食物嚟分，就大概可分为沙律、小食、日式、热盘、甜品及饮品，店员不时补充食物，成晚所见，都甚少「缺货」。饮品介绍吓有咩可以任饮先，既然喺嚟食素，汽水一类就肯定无架喇，有提供几款健康饮品：豆浆、红菜头柠檬水、罗汉果水，另外，热水就用嚟冲泡啲中国茶。红菜头柠檬水、罗汉果水因为呢两款都较特别，当然要试吓啦，前者酸酸甜甜，比预期嘅味道清爽，后者就感觉较清润，甜味都嚟得自然，两款饮品都喺暖暖哋嘅，更适合女生或上年纪嘅客人饮。沙律就晌食物区左边，自成一角，枱上放有几款沙律菜，数款配料及酱汁，阵容唔算好强劲，但部份酱汁就有啲卖点，如芒果酱、山葵沙律汁，但最搞嘢就有XO酱，真唔知揾后者嚟捞沙律会喺点。随意拼凑咗份沙律，又见隔离有啲烧菠萝，搭埋一齐，淋上黑醋配芒果酱，喺一
餐厅位于地库，可谓别有洞天，门面睇落已予人感觉清新，一室亮白，墙上简单嘅树木、雀鸟嘅彩绘，加上地方大、高楼底，都彷佛有种宁静感。
自助区集中晌餐厅后方，但就无明显嘅区域分别，用食物嚟分，就大概可分为沙律、小食、日式、热盘、甜品及饮品，店员不时补充食物，成晚所见，都甚少「缺货」。
饮品介绍吓有咩可以任饮先，既然喺嚟食素，汽水一类就肯定无架喇，有提供几款健康饮品：豆浆、红菜头柠檬水、罗汉果水，另外，热水就用嚟冲泡啲中国茶。
红菜头柠檬水、罗汉果水因为呢两款都较特别，当然要试吓啦，前者酸酸甜甜，比预期嘅味道清爽，后者就感觉较清润，甜味都嚟得自然，两款饮品都喺暖暖哋嘅，更适合女生或上年纪嘅客人饮。
沙律就晌食物区左边，自成一角，枱上放有几款沙律菜，数款配料及酱汁，阵容唔算好强劲，但部份酱汁就有啲卖点，如芒果酱、山葵沙律汁，但最搞嘢就有XO酱，真唔知揾后者嚟捞沙律会喺点。
随意拼凑咗份沙律，又见隔离有啲烧菠萝，搭埋一齐，淋上黑醋配芒果酱，喺一道唔错鲜爽嘅头盘。
姬松茸虫草花粟米炖汤食完啲生冷嘢，嚟个汤就正好，虽然食物区都有备两款汤水，但每位客人都会额外获奉送一客素炖汤。虽然喺素汤咋，但落足料，唔会「淡茂茂」，入口清甜滋润，实在不俗。
不过，菇菌汤未必人人都啱，所以，出面嘅两款热汤：粟米海底椰汤和白胡椒咸菜凉瓜汤，俾大家多一个选择。
冰镇咕噜肉除上述嘅素炖汤，每位客人都会奉送即做嘅冰镇咕噜肉，份量视乎同枱客人人数，人多嘅话就会好似我哋呢盘咁靓仔。「咕噜肉」入口酸爽唔呛喉，口感真喺颇似肉，最爽喺依家天口热，食落就更觉冰凉舒畅。
小食用小食类形容，可以有啲笼统，总之就林林总总，小食、冷盘、前菜乜都有啲，大部份都贴有名牌，一口气详列晒有啲咩拣：烧菠萝、炸秋葵、素饺子、云耳、胡麻酱青瓜、糯米酿凉瓜、天妇罗、沙嗲羊肉串、香煎腐皮卷、大葱春卷、炸馒头、油酥饼、什锦素薄饼、法式面包、熏鱼、蜜汁叉烧……等等，数数埋埋成廿几嘢食。
随心随意拎咗一小碟返嚟，啲炸秋葵、炸茄子几好，食落唔喺好油腻；沙嗲羊肉串无论个样，定口感，都几像真，而且，啲沙嗲推得几香浓，熏鱼及叉烧亦做得唔错。
和食日系食物，就以「寿司」为主，件件都维俏维妙扮晒嘢，此外，仲有好多卷物，以及中华沙律、日本番薯仔、枝豆、冷乌冬、胡麻豆腐、紫薯沙律……等等。
基本上啲米饭煮得恰好，啲寿司或寿司卷嘅味道都唔差，只喺素鱼生始终喺素，口感都喺失真少少，纯为过吓口瘾而已。反而，正正经经嘅胡麻豆腐就好食好多。
热盘近尾声，再嚟一轮热盘就差不多喇。就晌食物区嘅中央，放咗近廿款嘅热食，包括：姜醋蛋（题外话，有位婆婆问店员点解里面无猪手，哈哈！）、葡汁焗四蔬、炒银针粉、上海烤麸、炒椰菜、豆卜炆冬瓜、麻婆豆腐、上汤浸娃娃菜、粟米、芋头、蕃薯、红米炒饭、豉油皇炒河、南乳炒藕片、榄菜四季豆、烟肉云耳炒沙葛、南乳枝竹节瓜、杂菌炆南瓜、清炒菜心，应该附合到大部人嘅口味。
热盘就属比较正规啲嘅素食菜式，唔会搞咩扮呢样扮𠮶样，无乜素鸡牛猪海鲜之类嘢。随意捞咗一大碟，虽然无试晒，但整体晌味道上都做得唔错，食落唔会话因为都喺素菜而觉得好寡。
甜品甜品类嘅食物就分布得比较散啲，但大相概都有豆沙饼、紫薯球、南瓜饼、煎堆仔、芝麻糕、蕃薯糖水、椰汁雪燕及海带绿豆沙。
甜品款式唔算多，基本上喺可以试晒，到我食嘅时候，蕃薯糖水已经转为海带绿豆沙。小弟就几钟意啲紫薯球、南瓜饼，因为外皮做得烟糯不黏牙，前者嘅紫薯好香，后者嘅南瓜好粉甜，而椰汁雪燕你唔捞一捞底嘅话，就变咗只喺椰汁西米露，雪燕被评为平民燕窝，好有营养价值。
如果有食开拣素嘅朋友都知，咪以为就咁喺啲蔬菜嘢，其实食餐素都唔平，而以自助餐形式，既可以一个定价就试到多啲嘢，如果大班人嘅话就更可各取所好。再者，「素一」个场真喺比时下唔少素食自助餐啲场又大又光鲜。
张贴
