影片
更多
2009-10-25
83 浏览
今日(25-10-2009 Sun)7:17am醒o左,见男友都醒o左,就话带o黎呢间佢上次佢search到,又想试o既郊外茶楼.o系川龙街等小巴,到8:40am上到车,17分钟o既车程就到达喇,见到都几多人,心谂楼上都应该冇乜位,叠埋心水o系楼下坐啦,但亚姐话楼上有位㖞,而男友又想上,好,同佢上去啦.我o地坐o系最尽头太阳’照’住我o地o既位,男友去自助冲茶同攞点心,佢一返o黎,攞成5样o野,好吓人啊.佢见漏攞醋蘸小笼包,就再去攞啦,点知又攞o左4样o野返o黎,睇见真系眼都凸埋出o黎.但始终都系冇攞醋,佢话冇碟仔装㖞.咁开餐喇,先试虾饺,细细粒,味道只差得如少少,但仍属好味,虾亦爽口.味道: 4.3分鹌鹑蛋烧卖呢个普通水准啦,唔差又唔系叫好好.味道: 3分.凤爪皮唔够腍,味道亦唔够,呢个差o左啲.味道: 2分小笼包size都唔系’小’,冇醋蘸但味道仍可o既.不过皮就唔太薄啦.味道: 2.8分炸云吞又系冇酸甜汁蘸,呢个咬落脆卜卜,佢系放凉o左,但都依然咁脆,劲.但可惜有好多油,味道: 4分煎酿灯笼椒又系冇任何酱料同豉油,但食落,原来都好够味,唔使蘸.味道: 3.8分牛肠都几滑,牛肉味都
o系川龙街等小巴,到8:40am上到车,17分钟o既车程就到达喇,见到都几多人,心谂楼上都应该冇乜位,叠埋心水o系楼下坐啦,但亚姐话楼上有位㖞,而男友又想上,好,同佢上去啦.
我o地坐o系最尽头太阳’照’住我o地o既位,男友去自助冲茶同攞点心,佢一返o黎,攞成5样o野,好吓人啊.
佢见漏攞醋蘸小笼包,就再去攞啦,点知又攞o左4样o野返o黎,睇见真系眼都凸埋出o黎.但始终都系冇攞醋,佢话冇碟仔装㖞.
咁开餐喇,先试虾饺,细细粒,味道只差得如少少,但仍属好味,虾亦爽口.
味道: 4.3分
鹌鹑蛋烧卖
呢个普通水准啦,唔差又唔系叫好好.
味道: 3分.
凤爪
皮唔够腍,味道亦唔够,呢个差o左啲.
味道: 2分
小笼包
size都唔系’小’,冇醋蘸但味道仍可o既.不过皮就唔太薄啦.
味道: 2.8分
炸云吞
又系冇酸甜汁蘸,呢个咬落脆卜卜,佢系放凉o左,但都依然咁脆,劲.但可惜有好多油,
味道: 4分
煎酿灯笼椒
又系冇任何酱料同豉油,但食落,原来都好够味,唔使蘸.
味道: 3.8分
牛肠
都几滑,牛肉味都唔系好突出,普通呢.
味道: 3.1分
马拉糕
呢个放凉o左,边边好硬,味道淡o左啲.
味道: 3分
牛栢叶
由于我唔多好呢个,所以最后至食.男友系咁食,食到底都冇其他o野垫,佢就大赞老实抵食.我又试吓先,牛栢叶既爽又够腍,又唔系死辣,又OK㖞,令我都食不停.
味道: 3.8分
男友话要食豆腐花,所以又攞,点知又攞多样好耐冇见o既芝麻卷.
先试豆腐花
特登尽量唔’o毕’蔗糖食,食得出有豆香,质感亦算滑,味道清新.男友加蔗糖份量o岩o岩好,不致于食得太多糖,叻仔.
味道: 4分
而芝麻卷,一打开保鲜纸睇,卖相当堂比下去,好肉酸,但一来好耐冇食,二来都拎o左o黎咯,点都要试o架啦.食落芝麻味竟然好重,以前细细个食呢样o野,我总要问爸爸呢啲系咩o黎?爸爸答芝麻卷,但次次食落都只觉得系冇味o既冻糕.但呢o度真系似固体芝麻糊,不过,可惜o既系佢口感唔系几得,咬o左入口系浆埋一’pat’,都几难顶吓,而且,佢竟然又好油.
味道: 4分
服务:
基本上佢o地系好少同你接触,只系叫佢计数同到地下畀钱,不过基本礼服系有o既.
环境:
我o地坐o个个area系唔开冷气只开风扇,开头未食o野,被太阳晒住都唔觉热,但越食越热,我就发觉啲窗原来可以打开o既,于是自己开窗,咁就微风送爽,好啲啲o既.
卫生:
旧式茶楼o黎讲都算系咁啦.
埋单$142.00,两个人食11样点心,真系未免有点儿那个,不过亚Q啲当食埋晏啰.
味道系3.44分
下次会试吓端记.
张贴
