稻八日式火鍋炸物放題 (已結業)

呢日尼到荃湾觅食，系千色汇附近见到呢间稻八既宣传版，见到有火锅放题仲有刺身同炸物任食，当然要试吓佢啦。餐厅门口一大幅既绘马墙好震撼!餐厅面积好大，而呢日系平日所以都唔洗等位。汤底我地拣左沙嗲同猪骨汤，汤底好足料!酱料区已经摆好唔同酱料。隔离仲有沙律菜。自助配料选择好多，菜/丸/面类都摆得好整齐卫生。牛肉等级我地拣左$238 既牛小排雪花好均匀，有牛味。手切牛牛味仲更加浓，有咬口。另外仲有猪，羊，鸡肉，牛白肉，牛肉粒，墨鱼滑同虾滑。仲有养颜花胶。猪肉同鸡肉好嫩滑，羊肉始终有少少味。牛白肉切忌渌得耐，唔系会好韧。佢仲有唔同款式水饺可以叫架。我地个套餐仲可以任叫刺身，质素都好高。跟住尼到呢度独有既自助炸物区，所有炸物食材已经事先吉好，拣选后可以自行沾上炸浆放系炸炉内炸一阵之后就可以加上调味粉就可以食啦。行过少少仲有咖哩同白饭。野饮方面选择好多，要慢慢拣架雪糕柜既雪条同雪米糍系任食。另外埋单后店员话每人有一杯雪糕，可以系reception 拣。基本上食物质素都好好，不过冷气开到好大，越坐越冻。