牛極 (通菜街)

营业中

休息中

2019年6月3日 星期一今日早左收工，就谂住出去旺角买做运动既装备，顺便周围行下。买完见有d肚饿就睇下附近有乜好野食突然见到有呢间热石牛柳，听讲最近网上面好多人食，但我就从来都未试过，一于睇下系点一入到去就好似日本既拉面店咁有部机要入钱选择食d咩，拣完就出左一张飞再入去坐低，而我要左400g既牛柳，当然一叫就要叫最大坐低左发现里面既装修简单得黎又有少少日本风，上面挂住d日本灯笼店员之后同我讲可以去自助区拎沙律、饭同牛肉汤，沙律既菜好新鲜，仲有3个唔同既汁可以加，咁我当然系要最钟意既胡麻汁喇。至于饭系用饭煲盖住，一打开仲系热辣辣，食落好软绵绵，仲可以自行加紫菜碎一齐食无咁单调添终于主角出场，块牛柳有半块石板咁大，好香。店员话可以自行烹调到适合既熟成度，因为本身块牛柳只系一成熟我切开晒佢再慢慢烤每一边到大约三至五成熟，见到大部分既血水都无就一啖食落去，果一阵牛肉味真系好浓，浓到成个口都扩散开去，肉质好嫩，一咬就融化，好似食紧日本和牛咁，幸福既感觉走晒出黎，好庆幸自己有叫到最大份量下次一定会再黎试其他部分，睇下有咩分别！