彩龍茶樓

营业中

休息中

每个星期日我都会约屋企人去附近饮茶，今次我哋揸车去咗大帽山村龙饮茶，川龙总共有两间就茶楼，而我哋今次去嘅系近住巴士站嘅彩龙茶楼，入到入边充满着丁屋嘅设计，完全唔似一般嘅茶楼，古色古香。我哋上咗去楼上揾位，途经一个茶水间，所有嘢都系自助式，我哋总共叫咗三个点心，一碟菜。食物方面，D牛丸几新鲜，又弹牙，食落好有口感，而唔会太硬咬唔入。至于个烧卖真心爽口，食落香甜，入面D猪肉都非常新鲜，带住鲜香味，咬落啖啖肉汁，非常爽口。个蛋饺，我就觉得同出面嘅酒楼差唔多，菜既味道好鲜甜，如果一定要讲出不同之处嘅话，依度会多左农村既风景同怀旧嘅风格。整体上，食物水平都系可以，行完山或者睇完日出去食下，净系食个感觉都正。