韓家莊韓式燒烤 (已結業)

正式步入秋冬,揾野食就梗系要配合天气,韩烧简直系不二之选,同事提议去佐敦,贪佢搭车够方便,我地拣左呢间喺佐敦地铁站口嘅佐敦荟-韩家庄。餐厅是新开张,装潢很蔟新,而且座位很阔落,无太大油烟味。韩式配菜都有十多款,真系好少有咁齐全,攞些少醒醒胃先,芽菜仔同白菜仔都几正宗韩式风味。饮品柜都有几个,讲得出嘅汽水都有齐,仲有苹果醋同埋豆浆,多款韩式啤酒更加唔使加钱任饮。肉类选择众多,牛肉,牛脷,猪扒,鱿鱼,多春鱼,红肠样样齐,牛肉腌得很入味,鱿鱼新鲜弹牙,其余鸡翼同多春鱼都很好味仲有炒蚬,炸鳗头同埋炒饭。熟食都很多款,咖哩蟹是必抢,烩牛尾啖啖肉都很有韩国风味。各款小食不停供应。仲有即切三文鱼刺身同埋多款寿司,仲有龙虾1沙律同东风螺,点可以唔试。甜品有西米露,凉粉。仲有星级甜品柜,感觉很干净整齐,试左泰式椰汁糕,千层糕都简直酒店级水准。仲有多款雪糕供应食埋雪糕真系超饱,仲有多款肉类同熟食无试到,今个冬季要再来帮衬。