반찬앤쿡 Banchan and Cook (太古城中心)

营业中

休息中

星期五lunch 同三个同事一齐过黎食饭，佢系安排入座之后，就自己拎menu 睇，拣好食咩之后就出counter 落单，店员会俾旧野你，食物准备好，旧野就会震，再出去自己拎，食物落好枱又要拎番个盘出去，水自己斟，餐具自己拎，咁既价钱，但就无咩服务，想去食既就自己衡量下喇蜜糖炸鸡，好食，够甜，外脆内软，唔会炸到变柴皮👍🏻👍🏻👍🏻附带既薯条同几旧年糕都好食，都系甜甜地既佢有啲前菜跟嘅，呢碟系苹果薯仔，酸酸地都几好开胃，另一款系红菜头，味道都唔错海鲜年糕，我个人认为呢啲唔系几够味，因为你知年糕都系冇咩味道酱汁应该要浓味啲先会好食，所以我觉得呢碟麻麻地芝士猪扒，唔系好感觉得到自己食紧猪扒，反而系好多水牛芝士嘅感觉，佢入边所谓嘅猪扒似系一片片嘅豚肉多啲，如果你纯粹想食芝士嘅话呢个都可以嘅，值得赞嘅系佢粒蕃茄好够酸，用嚟解腻都唔错牛肋骨蛋包饭，牛肋炆得好够林同埋入味，个蛋亦都好滑，呢碟算系煮得唔错👍🏻👍🏻👍🏻实在唔记得呢个叫咩名，我就觉得太甜啦，呢碟基本上就系下面有啲消化饼嘅碎上面加棉花糖拎去焗炉度焗，然后再加上朱古力酱就完成，太甜嘅关系我只系食咗一粒棉花糖，其他同事就唔觉得太甜仲话觉得好食，钟意